محمود فايز يعلن الرحيل عن منتخب مصر..ويودع الجماهير برسالة مؤثرة

محمود فايز يعلن الرحيل عن منتخب مصر..ويودع الجماهير برسالة مؤثرة

أعلن محمود فايز، مساعد هيكتور كوبر المدير الفنى للمنتخب ومحلل الأداء، الرحيل عن الفراعنة عقب الخروج من مونديال روسيا.

 

وكتب فايز على صفحته الشخصية بموقع التواص الاجتماعى: "امبارح كان آخر يوم فى عقدنا مع المنتخب المصرى.. أحلى ٣ سنين ونص فى حياتى.. بين أهل بلدى ووطني... حلمنا... فرحنا... بكينا... مشاعر كتير عشناها مع بعض... كنا نتمناها نهايه بشكل آخر.. بشكل أفضل...

 

حزنا لحزنكوا... زعلنا لزعلكوا...

 

بس والله اجتهدنا وحاولنا وأخلصنا... بكيت أد ما عمرى بكيت فى حياتى... علشان المرة دى مختلفة... المرة دى ليها علاقة بالوطن والأهل والأسرة.

 

أخطاؤنا..! سوء توفيق..! قلة خبرات..!

 

نعتذر للناس اللى زعلناها... وشكراً ليكوا كلكوا...!!

 

بس بالله عليكوا لازم تقفوا ورا فريقكوا... ورا لاعيبتكوا... دعموا اولادكوا...

 

ابنك لما يقع بعد اجتهاد وتعب وعرق حتى لو أخطأ..!!! بتدبحه..؟

 

دعمه... اسنده.. اقف وراه... هيقوم تانى وينجح تاني.

 

دعوا العلم مرفوعاً...

 

علم مصر اترفع فى أكبر حدث رياضى منذ ٢٨ عام وإن شاء الله هتكرر كتير.

 

ابنوا ومتهدوش... 

مصر عرفت طريق العالميه والقادم افضل باذن الله.

 

دعوا العلم مرفوعاً.